XX. mendeko Euskararen Corpus estatistikoa

Testuingurua

ANAYAK! AGUR!.

ANAYAK! izen eder, samurra
samurrik ba'da ludian
izen gozoa ta... bai samiña
bizi garan erbestean.

ANAYAK... baña, laño baltz-baltza
datorkit une onetan.
erailtze anker, espetxe gogor,
neke-samiñaz gomutan.

France, Belgique, eta England'en,
Amerika urriñetan,
sakabanaurik, biotz-urratuz,
ogi mingotza txastean!...

Zoritxar ontan birritan Anai
benetan garan ezkero,
Anaitasun-gar poz-bizigarri
ez dogu zainduko bero?.

Anai-maitasun goitar legea
deika daukogu aspaldi:
Zoritxarpean dagon anayaz
on-maitakor izan adi.

Ordu onez ba zatoz ANAYAK
argi maitasun geznari,
anaitasun au sendotuteko
maitasunezko lokarri.

Biotza zabal, eusko lau antzez
ANAYAK! Agur danori!
dantzut, ta neuk be biotz-biotzez:
ANAYAK Ondo etorri!....

London 1 1939n GABIREL.